تبلیغات
مازندرانی(نکایی) ریکا

مازندرانی(نکایی) ریکا
مازندران قطعه ای از بهشت روی زمین 
صفحات جانبی

 

اتی که تسر دکته، دابوی شالِ سر نکِته

اش رِ ورْفِ روز کشِننّه

کوزِ پشت رِ چو نخوانه، تیمِجار چه شونه

اشِ ره کشمه، پلنگ ره دار کمه

پلنگِ لاش سر ارمجی، تن نشونه

تی شی شال بوهه، ته آرد گوآل بوهه

خی کله، خی عملِ انه

این هوای دله، خی تیمِجار نشونه

تِ جنّ ورگ بخرده

تلاکته، بورده شالِ پیشواز

شالی که ماهی بخرِده، دِریو رِ میون کنه

کچیک خی وراز وونه، کچیک رو هراز وونه

وگ، کَوَز دوش هیته

ورگ دکته صد تا ره، بورده مِ اتا ره

ونه شیر، شکار هکنه، شال بخره

ورگ بزو، شالِ سِ دکته

اتا مرغنه بکرده، اونهم بی زردی

بوتمی خرس کدخدائه، نَونسمی خرس خی خدائه

بوتنه که: خی وچه زنه یا مرغنه کنّه؟ بوته: از این حرامی هرچی بوّی، بر اِنه

تِ پِر سَرین، لرگه کتین بیه، اسا کینگ بن سِ بالشِ قو خوانی

تشی کِلی سر، باغ بیتی؟

سنگ شِ سنگ رج دارنه، گسفن شِ دیما

شال، پوسه کلا رِ گیر بیارده

شالِ دس، گو بتیم بسپرسی؟

شال رِ بَوتنه: تِ دو چنّهِءِ؟ بوته: ون بوینم پشتِ سر تو چنّهءِ؟

شالِ بوتنه تِ گواه کیه؟ بوته: مِ(مه) دِم

شالِ شکار شونی، شِرِ اسلحه دار

شال که چشته بخرده، دریوکنار رِ چش اینگنّه

شلِ ورگ روزی، راه دره

شو سیو، گو سیو

گسفن هرچی لاغر بوشه، شی می سر خسنه

 

 

 

دله گزنا ، دیا امزنا

اتتا بی نماز وسه ، در مسجد ر نوننه.

یا گرد بونه یا چارسی

پیشین دمالین پله

رحمت بر کفن دز پیشین

آسمون کینگ بنه ننه

سر بیی په کچه بسیاره

آقا نوکر دارنه نوکر چاکر دارنه

ارباب که سره نوکر اتتا نون گلی وسسه

مردم آه اثر کنه سرشو نکرده سحر کنه

اتتا اودنگ چال ره هفت تا شاب مجنه

اتتا بار گاز اتتا بار ناز

اتتا بز کمتر اتتا هه کمتر

اتتا خرابه حموم هفتا جمه دار

اتتا درو گنه اتتا پون دنه

اتتا دززه اتتا دسگ

اتتا زننه دتا حساب کننه

اتتا کچه راغون دارنه همه شو مهمون دارنه

اتتا کرک هفتا ورگ

اتتا کل مرغنه بکرده بی زردی

اتتا کل مرغنه این همه جاوزه

اتتا گل زور صد من دونه ره خراب کنه

اتتا گوکله ونه بخردن تا وره حالی هاکردن

اتتا دفه دمه اتتا دفه لمه

اسیو شونی چلکه نار صحرا شونی وچه نار

از هول هن هلوم دکته

اسا خر بیار نپجا باکله بار هاکن

اسا که جهنم شومه چه کینگ سو بورم

اسا که کار به لاک برسیه بی لاک سما کمی

اسا که هر انه پر انه

اسب بار کجه کشی باربن ره قایم کننه

اسب با بار بورده کشی باربن دمال چرخ گیرنه

اتتی نوم کننه شه چاشت و شوم کننه

اسب ره اسب جا دون گو ره گو جا

اسب خامی نال هاکنیم خر چه دس ره پیش ایارنه

اسب هدا خر هایته خشالی پر هایته

اسب که ته نیه پالون سپل نخرنه

بار ره کشی دارنه زن ره شی

اسب هاکردن خر بخردن

اسپیجن افتاب روز اسب دم ره گر گنه

اسیو سر تک تک زن

اش ره کشنه پلنگ ره دار کننه

اشکم زیر دسه هر چی دکنی مسه

اشکم که مشته وقت گپ و گشته

اگر شونس داشتمی گهره کتمی مردمی

وچه تا برمه نکرده مار وره شیر ندنه

اگر تو بینج کری مه کلا ته کیله

اگر تو کوج اغوزی من ول تک چاقومه

اگر ره دکاشتنه در نمو

اگر گوش عزیزه گواشوار هم عزیزه

اگر این زوون ره ناشتبو وره شال خرده

اما بوردمی عاروس وین عاروس بورده کنس چین

امه بشسسه دل ورف او کار دنیه

امه ساق سر گیرنه امه دوش سر پینه کنه

فلانی جا نماز او کشنه

اننه گو تلار تش هدا اینتا که وره کرسه

انگیر انگیر جا رنگ گیرنه همسایه همسایه جا فن گیرنه

اننه هسه مره وسه

انگیر نئی خوانی ممیج بوی ؟

او بکننی کیله یور شونه

او بورده کیله او شونه

فلانی او بیارده پیته و وا بیارده کنگل هسه

او تپه بیه چال بورده

اوجی دله مهره

او خرمه کیله نون خرمه پیله

فلانی او ره پرزو کننه

او ره پل بن در کننه

اوسار ول و ویل دارنه هر کس شه ایل دارنه

اون ماقع که ته خر زنه مه خر کره زنه

اون که ته فنه مه کال چرم بننه

اون موقع دنون داشتمی نون ناشتمی اسا که نون دارمی دنون نارمی

اونی که دوسسه نمک اتتا انگوسه

اوی جا کئی چلیک وریجنه

این او این اسیو ره ناردنه

وشون او اتتا کیله نشونه

اوی سر راغون گیرنه

او که بکلسه بنشنه جم هاکردن

این امامزاده موجز نارنه

این امامزاده ول چونه ره خار نکنه

اینجه ره گنه بهنمیر دارنی بخر نارنی بمیر

اینجه ره گنه همه دون من تره دون ته مره دون

این ره خرنی دنگله بوریج خرنی بخر نخرنی بوریج

رسوایی ره سگ نخرنه

اتتا گوش دره این گوش دروازه

این لم ره بی خی نیه(کاسه ای زیر نیم کاسه است)

اییا شه رج ره گم بکنه تله کفنه




طبقه بندی: مجموعه ضرب المثل مازندرانی،
[ 1391/04/15 ] [ 09:52 ] [ مهدی درخشانی منصورکوهی ]
.: Weblog Themes By Iran Skin :.

درباره وبلاگ

مهدی درخشانی منصورکوهی - ساکن شهرستان نکا - استان مازندران
آرشیو مطالب
آمار سایت
بازدیدهای امروز : نفر
بازدیدهای دیروز : نفر
كل بازدیدها : نفر
بازدید این ماه : نفر
بازدید ماه قبل : نفر
تعداد نویسندگان : عدد
كل مطالب : عدد
آخرین بروز رسانی :

امارگیر حرفه ای سایت