تبلیغات
مازندرانی(نکایی) ریکا

مازندرانی(نکایی) ریکا
مازندران قطعه ای از بهشت روی زمین 
صفحات جانبی

یادِ اون روزها به خیر حال و هِوائی داشتمه
دِ وِجِه قَد بیمه و تَشِ سِسِریک ِ واری
کدخدا داشتو مَلِه یا شاه بَمِرده سال بیوو
مِرِه چیندِکا واری مار خواشه بالِ بِن گیته
چوئی تِلار اگر چه بی زرق و برق بیه ولی
مارِ دیم چیس دَکِتِه پیِر عصا پِشتی شونه
سر و همسرون اگِر چه مِنِه دست عاصی بینه
حرف رِه گَت تِه نَزومه جائی که گَت تِه نیشتیه
زِمسّون ِ سوز و سرما مِره کاری نَهیه
لینگِ چی کاردِمه رودخانه ی ِ اُو جه یور شیمه
دو زاری وِه چَک و بال زومه دومادِ لینگِ بِن
دومادِ پِشت خواشه لینگِ شستِ سَر استاویمه
حِرارِت کارده مِره دیم کَتِمِه چِشمه ی ِ سر
مَل جِه پِشتِه کاردِمِه مِنجِوِرِه مَمرِزِ چو
بعضی وقتا نیشتیمه خورد گَلیلِم چشمه ی ِ سر
سنگ رِه کال سنگِ دِله یِشتِمه سر جه دور دامه
واش ورین دست گیتِمِه گندم و جو ره تاشیمه
مِشتِلِق وسّه مِرِه تیپ تیپی تِلکولِه دانِه
عیدی روزا هِدی جه مِرغانه جنگی کاردمی
اعیونی غِذا اَمِه تِرش پِلی و دووا بیه
تِرکانِش اَگِه هاکِردبو دست و لینگ و تن و پِِه
سَرنِماشون تا سَحَر خون بِوارِستبو آسِمون
رنگ و  رُو اَمرو واری اگه نِداشتِه زَرق و برق     با صِفا مَلِه دِلِه بورو بیائی داشتمه
یتّا جا بند نهیمه سرو صدائی داشتمه
خواشه وِه قشون و جنگجو و سپاهی داشتمه
وِنجِه مهرِبون تِه یتـّا گَت نِنائی داشتمه
ون دله فرشته واری گت بِوائی داشتمه
اون گادِرا چه جِوون بِوا ننائی داشتمه
گَت تِراجِه رِسیمه حجب و حیائی داشتمه
احترام ره داشتمه هر جا که جائی داشتمه
خواشه تن بخاری واری لَم چوغائی داشتمه
وارِشِ روز خواشه تن کاله قوائی داشتمه
خواشه فِردا وه چقدر آرزوهائی داشتمه
آرزوی ِ یِتّا کَفِ دست حنائی داشتمه
شِوارِ کاندِسِ بِن چه چشمه هائی داشتمه
دسته جَمع راه کَتِمی چِه رَخِفائی داشتمه
دست رِه زومه گوشِ بِن آخ چه صدائی داشتمه
حَرومی رِه رَم دامه عشق و صفائی داشتمه
چینگاله و دسته و کَر و کوپائی داشتمه
وِن ِ هِمراه کارچِ کِرگ و چیندِکائی داشتمه
بَندی شِلوار لاستیکی کُش نو کلائی داشتمه
حسرِتِ یِتّا دوری دونه پلائی داشتِمه
سوس نِمِک رِه وِنه درد وسّه دِوائی داشتمه
گالِه به سَر خان دِلِه آروم جائی داشتمه
امّا شِورِه واری پاکیّ و صفائی داشتمه




طبقه بندی: مجموعه شعر محلی مازندرانی،
[ 1391/04/14 ] [ 16:39 ] [ مهدی درخشانی منصورکوهی ]
.: Weblog Themes By Iran Skin :.

درباره وبلاگ

مهدی درخشانی منصورکوهی - ساکن شهرستان نکا - استان مازندران
آرشیو مطالب
آمار سایت
بازدیدهای امروز : نفر
بازدیدهای دیروز : نفر
كل بازدیدها : نفر
بازدید این ماه : نفر
بازدید ماه قبل : نفر
تعداد نویسندگان : عدد
كل مطالب : عدد
آخرین بروز رسانی :

امارگیر حرفه ای سایت