تبلیغات
مازندرانی(نکایی) ریکا

مازندرانی(نکایی) ریکا
مازندران قطعه ای از بهشت روی زمین 
صفحات جانبی

اون زمون  وشنا  بیتیم  تسابه  لینگ  راهی   بینه   
     تره یاد اینه؟
صواحی راه کتنه موزیکتی چاشت گدر قراری بینه
  تره یاد اینه؟
تخته پل  یور که  شینه تیل دکته  لینگ  صدا
هف هشتا اسب و آدم تیل تنگه ره حالی بینه
تره یاد اینه؟
پیاده  راه کتنه  هیمه ره  شه  دوش اشتنه
ترس بی وقتی و جن شخ شخ و تیناری بینه
تره یاد اینه؟
اون زمون اسفالت نیه جاده نیه لپر و تیل
دتا لینگ ره  متنه  چلپ چلپ واری بینه
تره یاد اینه؟
هیمه   و   مرغنه  ره  وردنه   بازار   روتنه
جرب و کفش و کلوش گیتنه و راهی بینه
تره یاد اینه
هریکنده اون موقع تلفن و  او  شهری کجه
اتا  در  اتاق  دله خس خس و  بیماری  بینه
تره یاد اینه؟
عید  بیهه  نوروز  خونا  بهار  بهارما  گتنه
زرد کرکه مرغنه جنگی جنگی بازی بینه
تره یاد اینه؟
اون موقع طارم پلا نونوایی رسم نهییه
پلاره  مجمه  دله  لوه  نونه  راضی  بینه
تره یاد اینه
کاره سر دسته جمی راه کتنه دشته دله
کایر و همسایگی  یکدل و همکاری  بینه
تره یاد اینه
ماهی  روخنه   زلال  او   دله دیار   بیهه
تیکا  و  ایا  اونجه  تله  تا  جا  بازی  بینه
تره یاد اینه
کله سر  رواق بنه  دیم  و  دیار  سیو  بیهه
شسن ظرف و ظروف با کلن و وازی بینه
تره یاد اینه
ککلی داشتیمی ها کرک و سیکا  فراوونی
کجه کک رواق بنه چینه کا جا نازی بینه
تره یاد اینه
دشونه ماست و کره شیر و دوغه تو یاد نکن
شیر پلا ، تازه کره  شه لقمه جا  راضی  بینه
تره یاد اینه؟
طاهری هر چی گنه هیچ کی ونه یار نهونه
زندگی صلح و صفا  ساده و راس راسی بینه
تره یاد اینه؟




طبقه بندی: مجموعه شعر محلی مازندرانی،
[ 1391/04/14 ] [ 17:34 ] [ مهدی درخشانی منصورکوهی ]
.: Weblog Themes By Iran Skin :.

درباره وبلاگ

مهدی درخشانی منصورکوهی - ساکن شهرستان نکا - استان مازندران
آرشیو مطالب
آمار سایت
بازدیدهای امروز : نفر
بازدیدهای دیروز : نفر
كل بازدیدها : نفر
بازدید این ماه : نفر
بازدید ماه قبل : نفر
تعداد نویسندگان : عدد
كل مطالب : عدد
آخرین بروز رسانی :

امارگیر حرفه ای سایت