تبلیغات
مازندرانی(نکایی) ریکا

مازندرانی(نکایی) ریکا
مازندران قطعه ای از بهشت روی زمین 
صفحات جانبی

 اَشون تا صِواحی خو چِک نَزومِه

شِه دَمپختی پِلا ره تِک نَزومِه

دِل و دلگبی رِه شاهد گیرمِبه

غَم و غِرصه ره شیش تِک نَزومِه

 ..................................

تِره قَسم به اون قَد دِماوند

تِره قَسم به اون تِلار سربند

به چپون ِکیجایِ دستِ دستبند

مه یارِ زلفِ جا مِه دسته دوند

..................................

اَشون هِنیشتبیمه مِن كاتیِ تِك

بی صاعِب كاتیا وِِِه كِرده چِكچِك

 اَنده هِنیشتمه ماه بِمو سی تِك

بهار كَله شُو نَزومِه خو چِك

....................................

اِفتاب گیسه ره نَرو بَشُورم 

ماهِ خسه چِش ره خِرو بَشُورم

هُوژبرِ سنگِر ره پَرو بَشُورم

شه دل غم ره ارفع كوه بَشُورم

....................................

برو شونیشت ، شه دله مه ور هاده

برو شونیشت ، دل غم ره سر هاده

شه دل غم ره په بئیر تا صِواحی
دماوند کوه جا اون وَر تر هاده

..........................................

اماجه عاشقی دل باد هدائن

"چشمه سر" یار دوش " افتو " هدائن

هول آیتی یار چشه خش هدائن

دستمال بئیتن آ  آینه هدائن

کاظمی/ شروین

.......................................

نماشونِ سرا مه ونگه ونگه 
چار بیدار درشونه صدای زنگه 
كمین چار بیدارّ، برار بهیرم 
دمـبـدم خـورِ شه یــار بهیـرم

..................................

کهو آسمون ره کمبه سفارش

 هرکجه یار شونه نئیره وارش

.....................

دیاری دیاری نزن اشاره

دشمنون بیتنه دور اماره

الهی دشمن دل بووئه پاره

 من آ ته عاشقی ندارنه چاره

.....................

ساری سور دار چند چلّه دارنه

 دِتا بلبل ونه سر ناله دارنه

یکی بلبل که داغ وچه دارنه

یکی بلبل عاشق گم کرده دارنه

.....................

اتاق چار دری پرده به پرده

من و تو هنیشیم هرده به هرده

انده هنیشیم تا آفتاب دگرده

تموم دشمونون دل بترکه

.....................

تلار او بموهه پل ره بورده

من و مه دلبر دل ره بورده

رفقون جمع بوین پل ره بسازین

من و مه دلبر دل ره بسازین

.....................

فلک آخر مه ره غریب هاکرده

 از دیدن ته بی نصیب هاکرده

مه ره دور از منه طبیب هاکرده

 کهنه دشمن ره مه رقیب هاکرده

.....................

خدایا سر هدایی سامون هاده

 خدایا درد هدایی درمون هاده

ته جه من نخواسمه مال و ثروت

جان خدا مه ره هم زبون هاده

.....................


مسلمونون مه ره با کارد بکوشین

 مه گوشت ره بِورین دهات بروشین

مه گوشت ره بورین دهات به دهات

همه ره کم هادین مه یارره زیاد




طبقه بندی: مجموعه شعر محلی مازندرانی،
[ 1391/04/14 ] [ 16:21 ] [ مهدی درخشانی منصورکوهی ]
.: Weblog Themes By Iran Skin :.

درباره وبلاگ

مهدی درخشانی منصورکوهی - ساکن شهرستان نکا - استان مازندران
آرشیو مطالب
آمار سایت
بازدیدهای امروز : نفر
بازدیدهای دیروز : نفر
كل بازدیدها : نفر
بازدید این ماه : نفر
بازدید ماه قبل : نفر
تعداد نویسندگان : عدد
كل مطالب : عدد
آخرین بروز رسانی :

امارگیر حرفه ای سایت