تبلیغات
مازندرانی(نکایی) ریکا

مازندرانی(نکایی) ریکا
مازندران قطعه ای از بهشت روی زمین 
صفحات جانبی

انّه دار وارش هدامه شه گیلاره 
دارِ چلا چو بَورده مه قـواره 
تازه بورده شیرْ دَكِفه مِه پلاره 
خور بیمو، ورگ بزوته گیلاره 

نماشونِ سرا مه ونگه ونگه 
چار بیدار درشونه صدای زنگه 
كمین چار بیدارّ، برار بئیرم 
دمـبـدم خـورِ شه یــار بئـیـرم 

خجیره كیجا، هیّا هیا شومی كو 
گندم به درو بینج بنشا شومی كـو 
اراده به كو دارمه نشومه بی تـو 
كَرِ سنگ دشت بارگیرمه خاطر تو

لوشْ كلومی گَتْ دروازه نوونه 
كلیـن بنه اسپـی رازه نوونـه 
بخوشتـه هسـكّا تــازه نــوونـه 
نامرد جور، تلی سازه نوونه 

سه تا چینكّا داشتمه خجیر و خارك 
اتّاره كرچك بزو اتی ره شالك
اتـا بمـونّس ونـك بكنـه بهــارك 
اون هم كَتِ په كُتِه زنه كتارك 

نمـاشون افتـاب كشنـه زرده 
بـلـنِّ ممـرز سـر گیـتـی چــرده 
ته تور چمرا خاموش ویشـه 
رزِرزِ خونش‌‌كردی‌گتی شه درده


اونمـا بیـارده هلـی تتـی ره 
سو بیـارده مَلهِ وَرِ كتی ره 
بچا بچا سراینگو اسپه مكنا 
ونوشه دَكرده شه پمتی ره 

قالی سرنیشتی، كوبِ تری ره یاد دار 
امسـال سری پار ِوشنی ره یاد دار
اسب سواری دوش چپی ره یاد دار 
چكمه دپوشی لینگ تلی ره یاد دار 

مونگه شو بلبل مس‌كنّه خونّش
ویشه دریم جه،اَش زنّه نالش
شـرشـرِ آبشــارا روآرِ مـجش
چمرِ زنگ گسفنـدون گالـش


لَلِه وای چپون گالشی خونش 
زِلالِهْ ائو دَریـم، رو جـایِ شـو
میهـا تَجِنِه دلغـارّه دنــه خش 
سی سی پشته جه شِه زِنِّهُ وارِش 


هِمِهْ سُوغاتِیِ فصـل ویهــاره 
ویهـاره پـر خجیــره لالــه زاره 

 عاروس و داماد شینه‌حِجلِه خِنِه 
شَمْ به دَسّ و قَن به دِهون كِردِنِه 


دامـــادِ پـر اِمــو دائِـه پـا اِنــّاز 
تـا عـاروس هنیشـه روی زر اِنّاز 


عــاروس شِه خِنِه وَنِِّسه رَجــِه 
كَتِ كَـش ر زوئِه رِز رِزِ میـجِـه


آویزون‌كِردِه هرچی داشتِه‌جِهاز 
مُورْ قاب،ُتتم‌كیسه،پیل‌كیف، جانِماز 

دِسِّــه روزِ لَلـِة خـونــش نیمــو 
چپون هی هی و خونش نیمو


پلنگ‌لس‌لس بورده‌چفت‌دیاری 
لَله ره ونگ هدا عاشـق واری

 
چپـون بـی وفـا رونـش نكـرده 
لَله جه حرف نزو خونش نكرده 

خنه یِ قصه ره هر سرهِ سرِه
پیرزنا چل كرده رشته 


شو سیو پَرّه كه واكرده 
همندی ره چرا كرده 

پرچیم شِخ آسمونِ تو كه 
شه دتا لینگ هوا كرده 


ندودندی وِه چه ها كرده... 

شو په گرِ صدا ایمومه گوش 
كتری تشِ سَرْجه بیمو جوش 
لَلـه وا زمـّه تـا گسفـن بچـره 
لَلة صدا جه من و مه بیهوش 

ننوز گته كه اشرف ته باغشِا كو 
ته شاه و امیرونِ برو بیا كو
ته سرنا چی و چكّه زنِ سماكـو 
كالـه بهییـو تره دَوسْتنه گو




طبقه بندی: مجموعه شعر محلی مازندرانی،
[ 1391/04/14 ] [ 16:16 ] [ مهدی درخشانی منصورکوهی ]
.: Weblog Themes By Iran Skin :.

درباره وبلاگ

مهدی درخشانی منصورکوهی - ساکن شهرستان نکا - استان مازندران
آرشیو مطالب
آمار سایت
بازدیدهای امروز : نفر
بازدیدهای دیروز : نفر
كل بازدیدها : نفر
بازدید این ماه : نفر
بازدید ماه قبل : نفر
تعداد نویسندگان : عدد
كل مطالب : عدد
آخرین بروز رسانی :

امارگیر حرفه ای سایت