تبلیغات
مازندرانی(نکایی) ریکا

مازندرانی(نکایی) ریکا
مازندران قطعه ای از بهشت روی زمین 
صفحات جانبی

صواحی که بونه، آسوک و لرزون
باجی‌خاله سره جم انه بیرون
چشّه دس کشنه تار و سیاهه
دیروز افتاب بی‌ یه امروز میاهه
ونه سر غمزه و دسمال به گردن
جلیقه‌ی پیله وه دارنه درزن
کلش کنده، ونه سینه خرابه
نتونده بخسه، وه ره عذابه
سیو شوی میون تک‌تک کلش
اتّا مرغنه هسّه ونه خرش
احمدی دسته‌گاری داشته پارسال
وه پیش‌پیش شی‌یه وُ باجی به دنبال
کُنه رویی، کُنه لوه، کُنه مس
همه گاریِ تن شریک ‌جه دَوس
نوشابه شیشه و ساندیسِ کارتن
خرینه دیکونا جه مفت و ارزون
وشون گاری که پر بیّه نم‌نم
شی‌نه جوکّی‌مله پیش محرّم
احمدی چونه زنده باجی نیشته
کلش کنده که بَی ته اَتی ویشته
هوا تاریکِ شوئه، بی‌صدائه
باجی دسته‌گاری ره توک هدائه
ونه چش اسری‌یه، برمه نکنده
باجی دنیا ره بدجور خنده زنده.




طبقه بندی: مجموعه شعر محلی مازندرانی،
[ 1391/04/14 ] [ 17:08 ] [ مهدی درخشانی منصورکوهی ]
.: Weblog Themes By Iran Skin :.

درباره وبلاگ

مهدی درخشانی منصورکوهی - ساکن شهرستان نکا - استان مازندران
آرشیو مطالب
آمار سایت
بازدیدهای امروز : نفر
بازدیدهای دیروز : نفر
كل بازدیدها : نفر
بازدید این ماه : نفر
بازدید ماه قبل : نفر
تعداد نویسندگان : عدد
كل مطالب : عدد
آخرین بروز رسانی :

امارگیر حرفه ای سایت