تبلیغات
مازندرانی(نکایی) ریکا

مازندرانی(نکایی) ریکا
مازندران قطعه ای از بهشت روی زمین 
صفحات جانبی
امسال اگر كمى سِرى                          پارِسال  وَشنى رِه یاد نكن‏
 وقتى تِه لینگ چكمه دَره                       لینگ تلى رِه یاد نكن‏
 اگر راحتتر مجنى                              پارِ سختى رِه یاد نكن‏
 وقتى ماشینّه گاز دِنى                          پیاده مجی رِه یاد نكن‏
 آسفالت دنده 4 شونى                          جاده خاكى رِه یاد نكن‏
 وقتى شونى ویلا                               پیش باغبونى رِه یاد نكن‏
 آلو طلایى ره بخر                             تِرش هلى رِه یاد نكن‏
 اتومبیل سوار بونی                            چاودارى رِه یاد نكن‏
  وچیله ره انام دنى                           رسن سرى رِه یاد نكن‏
 چراغ فندك تِه دس دره                      چراغ موشى رِه یاد نكن‏
 پیمانكار شهرى بئى                           شه قراری رِه یاد نكن‏
 اره موتورى ره بدى                          تور و چلى رِه یاد نكن‏
 ته وضع خوبه ارباب بئى                     شه رعیتى رِه یاد نكن‏
 باد كه به غبغب انگنى                       شه پنچرى رِه یاد نكن‏
 ته دس اگر كار بر انه                      شه كارسازى رِه یاد نكن‏
  چار شایى پول ته جیف                  دره شه فقیرى رِه یاد نكن‏
 چار نفر رییس بئى                          مهربونى رِه یاد نكن‏
 اگر د تا ره مز دنى شه                      مزگیرى رِه یاد نكن‏
 چار تا كلاس سواد دارنى                     شه اتته چى رِه یاد نكن‏
 چارتا غریب ره كه بدى                       شه محلى رِه یاد نكن‏
 خویش و قوم ره غربت بدى                احوالپرسى ره یاد نكن
 زوون خارج یاد بئیر                          مازرونى رِه یاد نكن‏
 مارك و دلار ته جیف دره                   یك قرانى رِه یاد نكن‏
 حسابدار شركت بئى                       میرزاگرى رِه یاد نكن‏
 مهندس زرعت بووش                       ورزگرى رِه یاد نكن‏
 جبر و مثلثات بخون                          قرآن خونّى رِه یاد نكن‏
 امسال اگر عاقل بئى                        پار خلى ره یاد نكن
 چارتا عاقل ته دور دره                      گج رفق رِه یاد نكن‏
 پیر سرى توبه كنى                        شه جوونى رِه یاد نكن‏
 شومینه گازى روشن کرنی                 كله دى رِه یاد نكن‏
 پیتزا تنورى كه خرنى                      بچا بشتى رِه یاد نكن‏
 وقتى خرنى فیله و رون                       قرمه و پى رِه یاد نكن‏
 اگر ته دیم سرخى بزو                       پار زردى رِه یاد نكن‏
 گیتار و تاره یاد بئیر                        شه پس پسى ره یاد نكن
 وقتى كه جاز گوش كنى                      شه امیرى رِه یاد نكن‏
 تهرون بن  ره لو شونى                     محله سى رِه یاد نكن‏
 هر كجه خانى دور بزن                     كراد زمى رِه یاد نكن‏
 وقتى زن و خنه دارنى                        شه عزبى رِه یاد نكن‏
 خاخر بلوز شلوار نه مج                       شه روسرى رِه یاد نكن‏
 اداره شونى كار سر                          وچه و شى رِه یاد نكن‏
 د شو كه شوم بیرون خرنى                 شه آشپزى رِه یاد نكن‏
 لوه دارنى دیگ نچسب                        مرس و قلى رِه یاد نكن‏
 لباس که چمدون كنى                          شه دیونى رِه یاد نكن‏
 خلاصه مطلب اینه شه كار و بار سر خداورى رِه یاد نكن



طبقه بندی: مجموعه شعر محلی مازندرانی،
[ 1391/04/14 ] [ 16:32 ] [ مهدی درخشانی منصورکوهی ]
.: Weblog Themes By Iran Skin :.

درباره وبلاگ

مهدی درخشانی منصورکوهی - ساکن شهرستان نکا - استان مازندران
آرشیو مطالب
آمار سایت
بازدیدهای امروز : نفر
بازدیدهای دیروز : نفر
كل بازدیدها : نفر
بازدید این ماه : نفر
بازدید ماه قبل : نفر
تعداد نویسندگان : عدد
كل مطالب : عدد
آخرین بروز رسانی :

امارگیر حرفه ای سایت