تبلیغات
مازندرانی(نکایی) ریکا

مازندرانی(نکایی) ریکا
مازندران قطعه ای از بهشت روی زمین 
صفحات جانبی

اون زمونای قدیما                                  اون آدمای با وفا
نیشت بینه رواقه سر                                   خسه بینه شه کاره سر
تازه چایی افتابه کل                               بهار بینه زمینا کل
ورزای پشت چو و ازال                          لپر و تیل کتنه چال
بچا پلاره خردنه                                         زنده بینا ای مردنه
گت وشون این کد خدا                  پول و زمین کرده سیوا
بیچارون هی کار کردنه                       بینجه کیسه بار کردنه
نماشونا خسه بینه                                 محله میون دسه بینه
سمباره بن پلی بینه                             مشغول لینگه تلی بینه
تشکله سر زردک پلا                                مشغول بینه قند و پلا
تازه کره قد کتنه                          تیسابه راره متنه  
زمین زوئه تازه وجین                       دسه جمی کاره بوین
کمر دلا تب تب عرق                        مرز ه بالا لامبوس ورق
چله بییه کرسی سر                               شب چره دیه سر به سر
تیکا ایا مله دله                            بمپرسنه تله دله
سنگه پل و اون پله سر                             چند تا کیجا افتو به سر
دشته دله اسب و سوار                         صوایی سری و چار بیدار
خرمن زونه چند تا خلال                     خردنه روزی حلال
جینگا زنی خسه بینه                     بینج و کمل دسه بینه
لمپا وشونه سو بییه                       فنر چراغ خو بییه
برف اموئه میسه قاده                       وارش امو وه با قاده
اسا گنی کو قدیما                       تازه بونی نو و نوا
مدل رب زندی برار                     خارجی گپ زندی برار
          کئی پلاره یاد نکن                 دولبه کلاره یاد نکن
شلوار لی تنگ پوشنی                            ایمونه دل ره کوشنی
جوابه سر بالا دی    ینی                   گد و کچیکی ره وا دیینی
قدیمای سختی ره ته                 اونای بد بختی ره ته
اتا لحظه شه یاد بیار                            اون کتاباره بی بیار
نا که قدیما چی چیه                             زرک و چفا چی چیه
مه دل خانه اتا بویم                              کمک کنی صد تا بویم
اسا بونه یاد نکنی؟                                قدیماره شاد هکنی؟
الان بمو ظبط و سی دی                    زبونه مازرون چی تی
بورده فراموش بهییه                             فارسی بتن خوش بهییه
اسا گمبه جان مارون                            وچه دره شمه میون
فارسی زبونه یاد بدین                          ازرونی ره باد ندین
اتا بوین یکی چییه                               مستروین و جکی چییه
مواظبه وچه باشین                                وشونه هر کجه باشین
اما شما جان پرون                                 زحمتکش و خسه تنون
وچه ی جا رفق باشین                          چپ چپکی تشر ناشین
اسا بورم شه محله سر                             شعر بهووم از همه ور
امه محله هسه شلوغ                     گد و کچیک گوش زنده بوق
چفته بنه دارنه محله                      الیاد بنه دارنه محله
مصدار و تسکندون عجب                  زمین دارنه وجب وجب    
بیستا پنج تا دارنه شهید                      اتا اتا بینه رشید
به راهشون فدا بهینه                       آسونه سر جا بهینه
آخر سر گمبه برار                                 مله ره ته هکن قرار
طاهری که بورده بیرون                        مشکل دیه ونه میون




طبقه بندی: مجموعه شعر محلی مازندرانی،
[ 1391/04/14 ] [ 16:09 ] [ مهدی درخشانی منصورکوهی ]
.: Weblog Themes By Iran Skin :.

درباره وبلاگ

مهدی درخشانی منصورکوهی - ساکن شهرستان نکا - استان مازندران
آرشیو مطالب
آمار سایت
بازدیدهای امروز : نفر
بازدیدهای دیروز : نفر
كل بازدیدها : نفر
بازدید این ماه : نفر
بازدید ماه قبل : نفر
تعداد نویسندگان : عدد
كل مطالب : عدد
آخرین بروز رسانی :

امارگیر حرفه ای سایت